【點新聞報道】違例泊車係常見交通違規行為，網上日前流傳一則帖子並附上圖片，指區內1個咪錶位有客貨車違泊多時，車頭貼了一張「車主有病入咗醫院」的告示。事件引起熱議，有網民認為「車主入咗醫院就唔使抄牌吖！個個車主咪有樣學樣囉！」。
有網民在社交平台threads發文表示，「架車泊咗喺錶位，張紙寫住『車主有病入咗醫院 』，前面夾住成疊抄牌，究竟應唔應該抄佢牌？」樓主更表示「政府很有愛，市民更有愛，見到有熱心市民幫手入錶，祝車主早日康復」。
從其上載的相片，相信事發地點在屯門，可見一輛客貨車白天停泊在路邊的公眾咪錶位，車頭貼字「車主有病入咗醫院」，但擋風玻璃仍夾滿大疊「牛肉乾」。有網民留言表示，「「前日行過見到已經有6張，見到車頭張告票信連名地址都show埋出嚟」。
事件引起議民熱議，「如果個個泊車都貼張咁嘅紙喺車頭係咪全部唔使入錶？既然車主搵到家人/朋友幫佢痴張紙上去，咁搵人揸走架車泊入停車場應該唔係難事」、「照抄啦！鬼信咩？入醫院唔泊停車場？好難咩」、「個個泊街都用依招，咁唔洗泊停車場㗎啦」、「這不是朋友或家人解決不了的事，只是你冇心去做啫」、「有咩留番同個官講 」 等。
另一方面，有網民表示「可以上訴提供證明waive左啲告票」、「證明埋你血親/ 其他人冇能力揸走你部車」。
收藏
取消收藏
分享
