【點新聞報道】走佬去英國、在港已執笠的童裝連鎖店Chickeeduck老闆周小龍，近日在社交平台宣布該店在英國的網店，將於本月31日結業。連日不斷在網上「賤價」散貨，吹噓所有產品都將會變成「收藏品」，希望同路人幫襯下咁話，但就講明唔會退貨或者換貨。
周小龍日前在fb以「唔做喇」為題發文，宣布決定Chickeeduck結業，網店業務會在本月底全面結束，「網店終於都要停埋，所有產品都將會變成『收藏品』，希望大家最後沖厠（衝刺），買返少少嚟紀念」。
帖文更加多兩錢肉緊叫賣，話「Online shop所有產品全面3折發售，所有產品都是絕版，之後一定唔會再買到」，跟手又賣慘話「由於特價貨品價錢已低於成本好多，希望大家明白所有特價產品不設退換及退款事宜」。
為散貨可謂無所不用其極，其後更推出一個超級極抵大優惠，總之「鑑平鑑賤」，賣得幾多得幾多啦，周小龍表示期待可以過返一啲安靜嘅日子喎。
收藏
取消收藏
分享
