【點新聞報道】近期不少移民加拿大的港人大呻生活不如理想，有在加拿大生活了幾年的連登仔發文表示，「加拿大真係比香港人吹噓得好誇張」，並列出九個加拿大不如香港的論據，直言「唔係唱衰，只係現實」。
該名連登仔日前以「老老豆豆，加拿大真係比香港人吹噓得好誇張」為題發文，分享自己在當地的親身經歷，列出九個加拿大不如香港的論據，在生活開支方面：「水電煤費貴：能源、供暖、用水全部高過香港好多，冬天開暖氣仲要小心荷包」、「食嘢開支其實唔低：近幾年超市價錢開始都唔平，出去食更加貴。有啲人硬係話『自己煮平啲」，但實際好多調味料、燃氣、時間成本唔計落去」。另外當地氣候令人難以適應，「天氣陰沉濕冷：冬天長期冇陽光，好多人精神都會受影響，唔係話『習慣咗就得』」。
樓主又提到當地人工低、交重稅，「人工低+工資增長慢：好多行業薪金追唔上通脹，實際可支配收入比香港少」、「稅負沉重：所得稅 + EI + CPP，加埋 GST,PST，畀咗政府一大截先剩生活費」、「中產、富人成為提款機：加稅、縮免額、削津貼，補貼窮人福利，財政壓力越嚟越大」。
樓主指當地治安差，「治安唔似講咁好：偷車、爆格、刀仔搶劫、吸毒街友唔少見，唔係所有區都安全。」而行政機關的表現不理想，「行政效率極慢：銀行開戶、地址證明、轉帳、政府部門處理文件，樣樣都可以拖幾個星期」、「政治兩黨都唔掂：自由黨政策偏向『劫富濟貧』，中產成日被加稅，新民主黨又多年內耗，缺乏實幹。」
樓主分析指，唔少香港人移民加拿大後覺得生活好，其實主因係住屋環境大幅改善，「喺香港，樓價極高、租金負擔沉重，連中產都未必買到像樣單位。但喺加拿大，用相對合理價錢就可以租或買到大屋，仲有花園、車位，住得闊落舒服。呢種心理落差好大，好多人就將『住得舒服』放大成『加拿大生活好』」。
樓主續指，事實上，除樓價相對平之外，加拿大其他方面如能源、食物、交通、稅務、效率、治安，其實未必好過香港，「有啲人甚至會打飛機吹到好誇張，但本質只係香港買唔到樓，加拿大終於買到。」
帖文引起網民熱烈討論，「加拿大係畀好Ｘ有錢嘅人去㗎」、「根據隔離飯香理論，愈難移到嘅國家就係最好」、「千好萬好都是香港好」、「梗係留港啦仲移民」、「治安不嬲唔係好，不過對比其他國家真係算係咁，英美班鬼頭真係醉酒佬會冇啦啦動口動手」、「香港治安真係近乎世界第一嘅，嗰邊住house 預咗去long trip 會被人爆格」、「事實就係客觀上嚟睇香港其實好好住」。
收藏
取消收藏
分享
