【點新聞報道】一連五場的林子祥（阿Lam）x葉蒨文（Sally）《白頭到老WE ARE ONE世界巡迴演唱會——香港站》昨晚（9日）於紅館開鑼，不少好友及圈中人包括朱玲玲及丈夫羅康瑞、兒子林德信及太太、吳浩康夫婦、狄波拉、陳淑芬、導演賈樟柯等都有前來捧場。
演唱會主題「白頭到老」，一開場已經掀起高潮。阿Lam與Sally攜手飆唱《敢愛敢做》、《200度》、《十分十二吋》等經典快歌，瞬間點燃全場氣氛。Sally更率領26位成人與小童舞蹈員連續跳唱13分鐘，全程面不改容，唱跳期間更驚喜露出結實馬甲線，fit爆身形引來全場尖叫。
二人各自solo環節同樣精彩，多首經典金曲更引發全場大合唱，包括《憑着愛》、《數字人生》、《分分鐘需要你》等，現場氣氛溫馨熱烈。演唱會亦充滿感人時刻，阿Lam在唱出《每夜唱不停》及《海闊天空》前，感性地說：「我唱咗咁多年歌，都望唔清楚你哋個樣，我而家想睇吓係乜嘢人聽我啲歌。」期間唱到哽咽，感觸落淚。唱完後，他說：「我見到你哋啲樣㗎啦，祝你哋每一位一千個夜晚都咁開心。」
除此之外，其中一個環節是二人向父母致敬。演唱《藍天》前，Sally說：「呢首歌對我嚟講好重要，係教我點樣信自己，終於知道係咩意思啦，就係我親愛的媽媽……我又唔可以講太多，因為我一講呢就要出嚟，但係阿Lam講咗一句，我哋入咗呢行咁多年，我哋嘅媽咪Daddy永遠都係坐喺前面，但係而家佢哋去咗第二個世界坐第一個位，喺呢度致敬佢哋，呢首歌我想送俾我媽咪，教我點樣去愛人同愛自己。」接着阿Lam說：「多謝你哋嚟呢度，不過我同沙麗最大最大嘅粉絲，都係我哋嘅Daddy媽咪。我Daddy好早就唔喺度，睇唔到我嘅演唱會，我媽咪差唔多由頭睇到落尾，不過而家佢都同我Daddy去咗一樣嘅地方啦，所以喺呢度唱呢隻歌俾佢哋。」然後二人唱出《追憶》、《單車》及《空櫈》。
最後Sally在台上分享感受：「我哋發覺去到我哋呢個年紀，which is唔係好大啫，一剎那眨吓眼就過㗎啦喎，突然間白頭到老，但係我哋發現最緊要一樣嘢，就係一個愛字，呢個世界冇嘢重要過愛，所以我哋呢個show，就係獻出好多愛，唔淨係我同阿Lam，係要俾全部嘅心機送俾你哋好多好多愛，喺呢度要再俾你哋一個大愛，要表示有幾愛你哋。」
（點新聞特約記者陳惠芳報道）
收藏
取消收藏
分享
