【點新聞報道】54歲商台著名DJ阮小儀退休，今日（10日）如常與拍檔森美、梁嘉琪做節目《早霸王》時宣布退休，在10月31日為她的Last Day，離開工作近31年的商台。
小儀在節目中強調，是次並非健康理由而離開，表示自己積蓄足夠生活，希望有多點時間陪伴屋企人，以及享受人生。她回憶指，以前一直忙於工作沒時間進修，現在想尋找人生下半場。小儀並表示：「呢次算係我人生第二次勇敢，第一次係考入商台。而家都爽㗎！我係903嘅忠粉，我仍然會聽903！」
今日下午近1時，小儀在個人社交平台發文指，「喺商業電台工作已經30年，自己都冇諗過可以咁長情⋯⋯一段關係可以咁長久，必定係雙向嘅，你對我好，我亦好愛你。但，對唔住，我想喺而家行開一下，大膽地畀自己放手，去投入人生另一條航道。離開的確需要勇氣，我都考慮咗好耐，所以你唔使替我可惜，亦唔使多疑覺得有乜嘢問題發生，只係我覺得現在剛剛好。各人都有自己人生嘅時間表，節奏亦都唔一樣。」
小儀在1994年10月17日入職商台廣告創作部，兩年後因聲演《廢話小說》獲高層賞識，隨後就轉職為DJ。1997年，她與森美主持《森美變態樂園》，之後兩人成最佳拍檔。
森美與小儀合作無間，主持多個受歡迎電台節目，如《森美小儀dot dot dot》、《森美小儀山寨王》、《架勢堂》及《早霸王》等。此外，二人還合作TVB電視節目《千奇百趣》系列，以及參演音樂劇、電影等。
收藏
取消收藏
分享
