加拿大老移民批移加港人放負不肯融入

【點新聞報道】近日網上不時有移民加拿大的港人,勁踩當地生活節奏慢、效率差、人工低、稅高等。有加拿大老移民看不過眼,認為「好多香港人移民過嚟,其實唔係真係移民,只係搬咗個地方」,直指「(新移民)帶住原本香港嗰套競爭、精明、自保嘅價值觀嚟到加拿大,卻用呢套去評價呢度嘅人」。

該名加拿大老移民在社交平台threads發文,奉勸一班新移加港人如果冇諗過要捱的話,可能就唔適合移民。樓主表示,「移民唔容易,但唔容易唔代表錯,每個人嚟到新地方,都要經歷一段適應期。有時你會覺得孤單、有時會懷疑自己,但呢啲感覺都係正常嘅,而家你見到啲好似『好穩定、好舒服、好成功』嘅人,其實佢哋背後個個都有自己嘅移民故事」。

樓主以自身經歷為例,「我細個嗰陣同屋企人嚟,真係唔容易。阿爸搵唔返自己熟悉嘅工種,阿媽又要照顧我哋,仲冇得繼續返工。我哋細個喺度讀書,好似融入得快,但其實英文係要落好多苦工。」樓主還提到遇到歧視問題,「嗰陣時學校裡面歧視問題仲幾嚴重,哋真係捱咗好耐先慢慢適應」。

樓主苦口婆心地勸移加港人應融入當地社會,「如果個社會入面,人人都只諗自己,咁我哋仲算唔算係一個社會?剩低嘅,只係冷氣開到最盡、門關得最實嘅一個個小單位」。

不少網民留言支持樓主,「佢哋淨係想呃本Passport 啫,呃到手後就會雞咁腳走 」、「價值觀不同,加拿大係直情覺得社會發展慢唔係問題 」、「很多人離開香港後,身體到了新地方,心卻還留在舊世界。移民不只是換地方,更是學習重新生活與看待世界。如果思維不變,走得再遠也只是在原地」。

不過,有網民認為新移民融入唔到自然會走,「個人認為新移民問題就係咁,唔止發生係香港人身上,融入唔到嘅自然會搵位走。雖然d負令到人睇到煩+踩親舊移民條尾,但新移民(仲要後生仔鍾意9up多)心理壓力大搵d位呻下都要,睇開d plssss」。

收藏收藏
取消收藏取消收藏
稿件由上傳 · 文責自負 · 不代表本網立場

加拿大老移民批移加港人放負不肯融入

收藏收藏
取消收藏取消收藏
稿件由上傳 · 文責自負 · 不代表本網立場