【點新聞報道】一年一度大坑舞火龍於剛過去的中秋節圓滿舉行，歌手洪助昇（Aiden）今年已經是第三年參與這項活動，今年更成功「升呢」，由以往舞龍身一躍成為「龍頭大哥」，認真巴閉。
Aiden前兩次參與都只是負責舞動龍身，去年他已經話想做「龍頭大哥」，今年願望成真。他開心說：「十分開心，但龍頭比起想像中重好多，舉起之後好難搵到個平衡。」真是「唔試唔知身手好，一試先知功夫高」。原來舞龍頭的難度跟他想像中完全是兩回事。問到知不知道龍頭有多重，Aiden透露，「成個龍頭插埋香都有120磅重，所以要舉得起都好唔容易。」而且更要點着火於街上遊走舞動，真的少點力氣都不行。Aiden指最重要找到平衡，而且交接過程要順暢，一不留神就會受傷。之前他已加強重量訓練作準備。
Aiden又自爆蝦碌事，「第一次攞起個龍頭嘅時候有啲失平衡，好彩師兄即刻衝過嚟。之後我嚇到唔係好夠膽再試。」幸好有一班師兄睇住，不停教路兼分享秘訣，令他夠膽再上前挑戰，最後成功完成任務，更特別多謝師兄們幫手。
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
