【點新聞報道】連鎖超市MMA！網上瘋傳一段影片，可見本港一間AEON超市內有大媽與戴帽港女疑因碰撞而爭執，其間大媽把港女的「買餸車」推翻，貨物散落一地，並且又多次拍打、起腳、大力推開港女；港女則撿起「買餸車」往大媽推撞反擊。多名超市職員到場，但只顧勸阻港女，無視大媽揚長而去，不少網民指責職員處事不公。
網上社交平台及多個社交群組昨日(8日) 瘋傳一段影片，可見在AEON超市的收銀處位置，有大媽與戴帽港女疑因碰撞而爭執，其間大媽把港女的「買餸車」推翻，令車內的貨物散落在地上。之後，港女上前理論，卻被大媽多次拍打、起腳、大力推開。港女就撿起「買餸車」往大媽推撞反擊，被大媽再次推開，並表示「你唔好咁樣，報警！」，又重複說「CCTV（閉路電視）你睇到未啊！」等。
多名超市男職員到場隔開兩人，大媽稱是港女「先動手」，港女反駁「你撞我先㗎」，港女不忿拿起貨物丟向大媽，男職員立即出言制止。最後大媽獲放行離開，港女則留在原地，職員表示「妳頭先攞住（菜）整到佢啊嘛」，港女不滿指「佢（大媽）先（動手），（職員）仲要鬧我？睇返CCTV，佢有問題啊！」，男職員回應「佢有問題我知」。事後，有職員執拾地上散落的貨物。
影片引起網民熱議，認為職員處事不公，「個職員勁無能」、「個staff失職喎，都唔公平，炒得」、「呢個員工真係不分皂白! 唔該引咎辭職啦」、「大媽已經涉刑事毀壞」、「大媽倒晒人地啲嘢可以逃之夭夭？」、「真係唔明點解職員出嚟，淨係同女士講唔好嚟樣唔好嗰樣，有無同大媽講佢嘅不是呀」、「原來大聲就可以走先，得喎」、「冇諗過AEON嘅員工可以處理得咁差！！！！」等。
收藏
取消收藏
分享
