【點新聞報道】話說近日有網民踢爆有移英YouTuber日日直播呃課金，指對方移英頭27個月唔搵工，話自己天生唔需要打工，仲嘲笑移英港人喺貨倉打工無尊嚴，笑喺貨倉打工嘅人命賤。樓主不齒其嘩眾取寵的行為，直言「我想住喺英國嘅香港人通知身邊嘅人唔好課金供養佢」。
有移英港人在fb「從零開始移民英國:香港人圍爈區」，以不開名的方式力斥一名移英YouTuber呃課金，指「40歲人網絡老千全副身家170000鎊，其中用咗140500鎊現金購入一間兩房排屋，日日直播氹網民課金畀佢。」該YouTuber話個天叫自己唔使打工，還嘲笑「香港人喺貨倉打工無尊嚴，笑喺貨倉打工嘅人命賤」。樓主連番質問「佢阿媽喺香港30幾年做倒垃圾清潔工，咁佢阿媽有無「尊嚴」？課金畀佢嘅人即係認同佢唔做工等人供養？」
樓主解釋唔開名的原因，「首先唔係想你哋入去增加佢view數。我係唔想有人課金畀呢個日日嘩眾取寵嘅YouTuber。樓主指有幾個香港人覺得該youtuber窮所以課金，「有香港人蠢到課金畀佢去speed dating同生活使費。佢全屋電器傢俬都係香港人買俾佢㗎」。
樓主希望網民認清事實，指「佢窮就唔會落地8個月cash buy 到間terraced house。佢嚟咗英國頭 27個月唔搵工，佢話佢天生唔需要打工... ...呢啲人一時叫香港人唔好去英國，一時叫香港人快啲去英國。佢又話嚟英國同「kwai妹」配種。你話佢係唔係嘩眾取寵？」
（本文為作者觀點，不代表本媒體立場）
收藏
取消收藏
分享
