【點新聞報道】由葛民輝、林海峰、柯煒林（Will）及韋羅莎等主演的舞台劇《笨蕉大劇院》昨晚（7日）舉辦第50場尾場，早前患上肺腺癌四期的柯煒林亦歸隊演出，狀態大勇。
林海峰多年來都擔任叱咤頒獎禮司儀，對於近日有傳MIRROR或會缺席頒獎禮，他說：「我都未公布我去唔去。（為何不去？）我點解一定要去，無車位咪去唔到，我又無飛。（你會無？）你估我係電台高層咩，我其實做咗好多年，我一早唔應該喺嗰度。」而問到MIRROR不出席的影響會否很大，他指總會有其他事發生：「頒獎禮有啲人嚟咗，又有啲人無嚟，下一次又嚟番，頒獎禮個生態係咁，好似畢業禮咁。」
在50場舞台劇中一共演出20場的Will描述心情時直言「很驚險」，表示自從公告患病之後，專心養病同時一直希望重回舞台演出，最終透過台前幕後的幫助下，恢復適合演出的狀態。
Will目前正繼續服用標靶藥治療，又指現今的醫學進步，加上AI的發展下，有不同方法可以去醫治癌症，更表示想向大家傳達出：「就算你有cancer，我唔認為係會令到block咗你自己，令到你嘅開心你嘅生活日常改變，當然有好多心理情緒並唔係咁容易單單一兩句就解決到，但我只可以好肯定話比你聽，咁多位如果咁不幸遇到呢件事，可以無事嘅，我做咗廿場舞台劇啦。」問到標靶藥會否有副作用，他表示幸好藥物的副作用沒有影響身體的免疫系統，他比以前食得更多，媽媽還瘋狂煲不同湯水給他，多到他帶回劇組請大家飲，令他肥了不少。
（點新聞特約記者陳惠芳報道）
收藏
取消收藏
分享
