【點新聞報道】英國的硬水令不少移英港人水土不服，一名移英近三年的港男發文大呻，移英後肚子成日叫個不停，但在香港明明冇事，「有冇人移民英國後個肚成日嘰哩咕嚕？我返香港一個月無㗎，返到英國又嚟」，結果釣出不少同路人的相同遭遇。
該名移英港男在社交平台threads發文，自己到了英國後，肚子成日叫個不停，且聲音頗大，但早前返香港一個月時，卻完全無事，「我返香港前個肚係狂叫，點知喺香港又無。返到嚟三日又叫過 」。
樓主指移英近三年，情況一直都無好轉，「我嚟咗就嚟三年，我腸胃不嬲麻麻，不過呢排真係怪叫得太離譜」，又指「我以為自己有乜病，但我屎ok，無肚痛，香港唔係咁，所以我肯定英國問題」。
帖文釣出不少同路人的相同遭遇，有人認為是水質問題，「有，成肚氣、腸胃差。唔知點解」、「有呀！我適應咗一年先無事，應該係水問題！」、「應該水問題，我裝咗filter後就無事啦 」、「應該係水問題，屋企個過濾水器壞咗我就經常肚痛，腸胃唔舒服，但係濾水器正常嘅時候我係正常㗎！」、「我老公要飲煲過嘅水先唔會嘰哩咕嚕，樽裝水要揀still water先無事 」。
惟事實上，樓主已裝了過濾器和飲樽裝水，「我有過濾呀，不過無用，差唔多三年了」、「我已經飲樽裝水，再煲埋啲水」，但情況未有改善。樓主大呻「嘰哩咕嚕到瞓唔到」、「嘈到夜晚瞓唔到」、「叫到我唔想做人」。
有網民則推測是肚風，「多氣，得閒按摩下 」、「應該係個肚多風，水已經係filter完再煲再用即熱水機出。我有用暖包貼肚，冬天臨瞓前捽保心安膏啲風會易啲走，同埋做多啲運動令啲血氣運行得好啲帶走啲風」、「呢度啲水好寒，我之前返香港睇中醫，佢幫我按胃同針灸，針落去超痛，仲好多氣出嚟。」樓主回覆留言時表示，會試大家的建議， 再無改善就要看醫生。
收藏
取消收藏
分享
稿件由上傳 · 文責自負 · 不代表本網立場
