【點新聞報道】近年政府致力打擊收回公屋，近日網上瘋有公屋單位在門口張貼告示，疑有的士司機解釋因為特更工時長，以及工作時間不穩定，所以房屋署家訪無人應門，請房署職員留下聯絡方法，惹起熱議。
有網民在fb群組「車cam L（香港群組）」發帖並附上照片寫道，「365日都揸車？冇一日喺屋企？」。該張張貼於閘門前的告示寫有「致房屋署家訪職員：此單位住戶即本人是一位特更的士司機，工作時間非常之長，而且時間不穩定，近日鄰居告知本人有房署人員來家訪無人應門，如果你們再來家訪都無人煩請在信箱留下聯絡方法，本人定當盡快回覆，謝謝。」
事件引起網民熱議，不少人質疑該住戶的收入是否超過公屋入息上限，「聽講話揸的士，一日二千幾蚊收入喎」、「揸特更日做16個鐘，月搵十萬up住得公屋？」、「咁樣應該係富戶，要入息審查，搵埋稅局查吓」、「房署應該交畀税局跟進」、「真係如佢所講嘅話應該搵唔少，稅局同房署係咪要做返啲嘢」、「咁樣都可以作伸辯理由？首先叫稅局查下佢有冇報税，然後睇下佢資產及收入有冇超額」。
另有網民笑稱該住戶是否「身有屎」，「解釋即係掩飾」、「通知你就唔係突擊檢查啦」、「第一次見揸的士揸到屋企都唔返，要約一日屋企先見到人」、「寫張字諗住過到骨，等比房署收屋喇」、「個個都咁寫張嘢就過骨，咁唔洗查啦！」、「記低你個水錶，就知你成個月都唔沖涼添」。
收藏
取消收藏
分享
