【點新聞報道】英國移民政策充滿不確定性，令一班移英港人如坐針氈。有移英港人發文好言相勸同路人考慮前路時，不要互相批鬥，話「留港又好 移英又好....，點解要踩人嚟證明自己留港/移英係正確」。有網民更直指「好心移民英國嗰啲就唔好講到英國有幾正啦，有苦自己知」。
有移英港人在社交平台threads發文，「留港又好 移英又好，Enjoy自己個生活咪得，點解要踩人嚟證明自己留港/移英係正確」。樓主認為毋須與他人比較，「淨係睇自己有冇比噚日嘅自己進步，同人比比死人…，但當然自己心底裏同人去比較冇問題，但係講出口就有啲核突」。
有網民提到YouTube頻道「煮家男人」的Bob叔就係最佳例子，「好似成日覺得自己移咗民好正，又覺得留喺香港班人係受苦」。另有網民分享踩低香港的聽聞，「有D移咗去英國嘅仲話留喺香港果D唔走等死㖭⋯⋯親耳聽過唉」。
樓主亦分享友人個案，指對方話永世都唔會返香港，「我識一個添，佢話佢老竇老母喺香港都係等死，佢哋死都唔會返去探，因為佢話永世都唔會返香港，老竇老母要死唔阻止佢哋喎。至於有啲咩仇口我就唔知了」。
有計劃回流的移英網民亦表認同，「啱呀，我準備回流但唔代表英國唔好，香港又有香港嗰隻好」、「我都考慮緊回唔回好～希望大家都搵到自己合適嘅生活啦～」。樓主亦祝福對方，指「如果覺得香港合適啲，回流亦無妨」。
收藏
取消收藏
分享
稿件由上傳 · 文責自負 · 不代表本網立場
