【點新聞報道】涉嫌盜竊「着草」的撐暴「奀星」阮民安，日前又在社交平台發文賣慘話，最近身體生出一個病來，希望只是一個小病。真係趷起條尾都知你想點，不少網民嘲諷又想呃人課金，「又扮可憐，又想水魚課金」、「又搲錢啦」、「下一步又係眾籌」。
阮民安在社交平台發文話，想紀錄一下放監2年的感受，直認自己走得有點狼狽，然後就賣慘話「離開之後，發現原來坐監嘅PTSD（創傷後壓力症），惡夢從來無停止過。可能係咁，最近，身體生出一個病來，在診斷中，希望只是一個小病吧」。
結果帖文惹來一堆謿諷「係咪又想眾籌醫病」、「又扮可憐，又想水魚課金，條友仲有信用？」、「佢嚟嚟去去咪又係嗰幾度板斧，下一步又係眾籌」、「啲錢用得7788，又係時候扮慘扮病叫人課金啦！」、「又搲錢啦」、「佢個病叫荷包肝硬化，課金就會好返」、「扮可憐博同情，似乎D錢就嚟洗哂又要乞喎」、「過咗去咁耐，都係時間要安排個故事比大家課金畀佢」、「喂，你唔知佢個朵咩? 點會咁易死啊，擺明扮病賣慘叫人課金畀佢睇醫生」。
阮民安又在帖文聲稱，還有很多事情等待他去照顧、去爭取，「想睇我轉型成功的，請繼續留低......想睇我收皮埋單的，再等下先呢」。不少網民揶揄「還有很多事情等待佢去爭取，齋睇文字都feel到啲戇Ｘ味」、「很多事情等我做，大家記得課金啦」。
收藏
取消收藏
分享
