【點新聞報道】泳兒（Vincy）今年第三首派台作品《老殘遊戲》正式上架，這次不玩傷感情歌，而是同時間玩遊戲，探討人人都害怕，卻跑不掉的「衰老」課題。Vincy更於酷熱天氣下穿着西裝褸喪跑，跑到頭暈兼手震，最後要狂隊寶礦力補充體力，在拍攝現場更要組團去廁所，指定要壯男護駕，看來MV有夠恐怖。
Vincy解說：「年紀大咗，經歷、智慧同修養先係最珍貴，呢啲嘢時間搶唔走。」新歌加插法文歌詞，監製找來懂法文的朋友寫下「Les rues pleines de grâce, Les raisins sont trop verts」，並且拜託朋友細心教Vincy法文讀音。
講到拍MV趣事，Vincy即「大吐苦水」，「今次拍喪屍片，要去停車場喪跑，同導演Sheng合作咗咁多次，之前上山下海都頂得順，唯獨今次跑幾次之後真係見頭暈同埋想嘔。」原來拍攝前Vincy沒有吃晚飯，跑到血糖急跌，最後要急買寶礦力同扒兩啖飯先續到命，她笑言：「今次仲要着住西裝褸喺酷熱天氣下跑，懷疑導演係特登要我還上兩個MV冇親身上陣條數！哈哈。」最搞笑是Vincy被MV中的喪屍嚇到連去廁所都要「組團」：「真係好恐怖，所以要同事陪，仲指定要加個壯男，貪佢陽氣重嘛！」
另一幕導演要求Vincy揸cam衝入店舖通知途人有喪屍，她一take過投入演出，扯盡喉嚨狂嗌「有喪屍！」，全場立即「死寂」望着她，導演話：「你咁大聲嗌其實係吸引隻喪屍過嚟㗎，你唔好咁大聲叫。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
