【點新聞報道】薛家燕、龔慈恩、林愷鈴（Ashley）與澳門特別行政區政府旅遊局合作的四集式短劇，今日（30日）終播映結局篇。結局篇請來了在經典劇《十月初五的月光》飾演家燕姐舊情人的郭鋒，客串擔演初戀男友，掀起觀眾集體回憶。
家燕姐與郭鋒相隔多年再合體，家燕姐表示：「2000年合作拍劇《十月初五的月光》，之後2015年我哋有合作電影版，所以上一次合作係2015年。」相隔十年再度合作，家燕姐指郭鋒依舊熱情、感覺親切。郭鋒則笑言自己跟往年大有不同，他笑說：「舊時好多頭髮，後生冇咁肥，而家肥咗。」
問到郭鋒為何客串此角色？他笑說被家燕姐打動，家燕姐補充說：「呢套劇好多人睇過，好大回憶，於是我打畀郭鋒，請佢客串做我初戀情人，佢好賞面，令到大家都好開心。」問到二人合作時可有趣事？家燕姐指：「再度喺澳門拍攝，鋒哥（郭鋒）話想請我去龍記食乳鴿同魚翅，原來龍記都冇咗好耐。」此外，郭鋒指澳門是他人生首次出埠的地方，他說：「剛讀完書，啱啱攞到身份証，第一個出埠地方就係澳門，當年同朋友一齊坐船，要坐3個半鐘。」
（點新聞特約記者陳惠芳報道）
（本文為作者觀點，不代表本媒體立場）
收藏
取消收藏
分享
