【點新聞報道】近日有港女分享搭乘巴士的獨特經歷，指在巴士車廂內的電子熒幕上驚見「車長受到滋擾」的字句，並伴隨着警報聲，嚇得港女誤以為是發生了事故，所幸只是虛驚一場。
港女於社交平台上分享帖文及相片，直言「第一次遇到，嚇鬼死」。港女憶述，「佢彈呢個車長受到滋擾果（嗰）陣係有埋警報聲，果（嗰）一刻我以為要撞車了」。上傳相片顯示，巴士車廂內的電子熒幕裏出現「車長受到滋擾」這幾個字，緊接着她便聽到「請降低電話音量」的廣播，這時港女才明白原來是因為有乘客大聲講電話影響到了車長駕駛而觸發的警告。
帖文掀起熱議，有不少網民留言表示支持該警報功能，「係㗎，滋擾車長係好大鑊㗎」、「真係好滋擾，其實有線耳機10蚊有條，啲阿叔阿嬸可唔可以買條」、「近幾年啲人睇片開到大大聲幾乎每日都遇到….真係會令人好煩躁，勁無公德心」、「呢個提示好有幫助，叫班乘客適可而止，退一步海闊天空」、「戴耳機好困難嘅咩」、「其實嘈x住揸車真係好騷擾，專心唔到」。
亦有網民分享類似經歷，「試過一次坐B1，兩個女人因為啲拉車仔問題係度互相問候對方娘親，（車長）最後忍唔住係（喺）洲頭村停埋一邊熄車，再講一係就報警佢哋落車慢慢傾，一係就等我15分鐘落到元朗你哋再嘈，即時靜晒」。
還有網民調侃，「其實係叫你樓上啲人落去幫拖呀」、「下一句：再繼續被滋擾我什麼都做得出」。
收藏
取消收藏
分享
