【點新聞報道】加拿大推出的「港人救生艇」，真係好大機會「沉船」，令移加港人感到前路茫茫。近日一名移民溫哥華的港人表示，「睇嚟敗走係唯一嘅未來」，惟擔心回港後難搵工，「要如何同HR解釋自己喺加拿大洗碗、洗廁所、收銀等勞力經驗可以用喺office admin？」
該名移民溫哥華的港人在社交平台threads發文，「假設出年敗走返香港，我嘅resume（履歷）已經花晒，要如何同HR解釋自己喺加拿大洗碗、洗廁所、收銀等勞力經驗可以用喺office admin？」
樓主自我分析指，「以香港現時嘅就業市場，我可能唯一嘅優勢就係有信心同外勞鬥cheap，因為係加拿大就靠一招『人至cheap則無敵』先有工作機會」。樓主又自嘲「一日黎生終身黎生，未敗走就已經開始打算如何喺香港搵工開工」。
正所謂 俗語話「人貴自知」，樓主表示「其實由落地加拿大第一日我就知自己咩料，非專業人士 又冇本土學歷經驗、英文又差、冇錢，除咗30以下算後生，冇任何優勢，去邊個國家都唔易有pathway，對於我呢啲cheap人已經好感恩。」
面對救生艇危機，樓主無奈表示「一路做洗碗洗廁所搏命儲鐘入紙，今時今日大機會沉船，我都無悔自己嘅選擇，只能夠話自身實力不足，行唔到EE（加拿大技術移民快速通道）條隊」。
樓主形容在加拿一年半的生活都是「斷絕人慾」，發癲式「犯賤」返工，每日淨係起身，返工，收工，瞓覺，指「365日返工，盡量除咗必要開支，冇其他娛樂消費，可以話真係儲到幾多錢，所以加拿大冇欠過我，只係有啲嘢命裡有時終須有，冇時莫強求」。
有同樣準備回流的網民留言，「醒你一招： 我諗住唔提，直接作個大病，話用咗2年幾醫&休養」、「我都驚緊呢6年唔知點解釋」。另有不少網民給予建議，「你吹自己喺加拿大做乜工都得㗎啦，正如你喺加拿大搵工唔會有人問你攞香港工作證明」、「其實好多人去working holiday做農場同樓面，僱主一般都唔care」。
收藏
取消收藏
分享
