【點新聞報道】意外一宗都嫌多！日前網上瘋傳一段影片，看見一名婆婆落的士時，懷疑司機心急開車，累未企穩的婆婆跌倒，更險遭車輛輾過。
有網民在fb群組「馬路的事討論區」上載車Cam片，指「阿婆仲未企穩，你就開車？」。從影片可見，現場為九龍城侯王道近街市一帶，一輛的士於周五（6日）駛至上址時，乖客婆婆落車仍未企穩，的士便急着開車，累婆婆跌倒。婆婆無法自行站起，顯得徬徨無助。事發後，疑似涉事司機落車查看情況，並有熱心途人上前攙扶。
事件引起網民熱議，不少人狠批該的士司機的行為，「揸車揸到咁無品」、「Dc9趕住去死咁」、「馬路唔危險，最危係司機本身」、「路中心停車落客，又多條罪」、「直情係老危」、「老人家咁樣跌一跌好大鑊」、「趕住去搶單吧」、「嘩，門都未X關，趕X住去邊？」。
另有網民分享類似遭遇，「有一次搭旺角小巴，落車時一隻腳剛掂地，另一懸空，司機已經關門開車」、「我N年前都試過咁，當時係的士站落車，同行有幾個朋友一齊，我坐邊位第一個落車，其他朋友仲係坐喺的士度，我只係一隻腳落咗地，另一隻腳仲係的士入面，好彩嘅係佢慢慢駛前，如果快嘅，我相信我隻腳已經跛咗」。
收藏
取消收藏
分享
稿件由上傳 · 文責自負 · 不代表本網立場
