【點新聞報道】朋友有難，本應兩脇插刀幫忙，但有港女的好心卻遭利用，被移英好友當「阿四」使喚，要她幫手寄件過英國、攞信、攞鎖，甚至是領取消費券。事主斷然拒絕後，竟遭對方用完即棄，「結果畀佢delete手機及fb！」這種真心換絕情的難過，令事主大嘆「認清楚一個人嘅劣質！」。
該名港女在社交平台threads發文表示，一名任職藝術治療師的朋友到英國移民，自己主動話如有需要可以幫忙，結果被視如免費工人，「除咗寄嘢，亦演變為幫埋佢阿妹keep屋企及信箱鎖匙、屋苑出入八達通、攞信、攞鎖匙畀地產」。
最離譜是要求女事主代領消費券，「要幫佢、妹及妹夫攞消費券，兩邊筍嘢舐到盡」。女事主斷然拒絕，「我拒絕幫佢一家三口攞消費券，涉及咁多$，而且仲有後着，攞咗消費券仲要幫佢哋買嘢。」
之後，女事主欲拒絕再提供幫忙，點知遭對方搶先一步，刪除了聯絡，「之後愈來愈唔對路，唔想畀人利用做阿四，一刀切，同佢講唔能夠幫佢寄嘢及取信，結果畀佢delete手機及fb！所以，千萬唔好做好人！」，並大嘆道「人生上咗一課，認清楚一個人嘅劣質！」
不少網民戥女事主不值，「嘩！你真係太好人啦，對方亦太過過分，呢啲粉腸，佢唔del你，你都要del咗佢啦。無謂浪費自己時間」、「直情絕交啦」、「真係低劣人格 」、「呢D『朋友』早散早着」、「人性就係咁，幫幫下變咗理所當然.一唔幫就變仇人！呢啲朋友唔要都罷！」。
收藏
取消收藏
分享
稿件由上傳 · 文責自負 · 不代表本網立場
