【點新聞報道】劉偉強與麥兆輝經典之作《頭文字D》上映20周年，今年推出復修版再度上映，連續一星期成為港產片票房冠軍，票房直迫200萬港元。本周日（28日）麥兆輝將出席「金句場」，親自拆解金句背後的小秘密。
劉偉強早前現身AE86香港車友聚會，表示非常興奮又震撼。他又爆料指，周杰倫拍攝時曾發生意外，AE86車頭撞毀，他說：「當日有一個鏡頭唔需要周杰倫漂移，唔知點解佢突然去漂，結果一甩就撞咗埋山。我哋即刻衝去現場，見到佢企喺架車旁邊。我問佢有冇事？佢話『沒事、沒事』，但係佢面都青埋，嘴唇都白晒！我問佢知唔知架車幾多錢？佢話佢賠，我話唔係賠錢嘅問題，係搵唔到，因為我哋搵到架車返嚟仲要改裝。當然最緊要好好彩佢人冇事。」
劉導遇上AE86好興奮，而戲中飾演「須藤京一」的陳小春，找來當年他在戲中同款的戰車拍攝宣傳片。陳小春說：「眨嚇眼20年，我記得當時拍呢套戲嘅時候，突然遇上大風雨定係颱風，停咗幾日工，日日都食蕎麥麵，但拍得好開心，希望大家入戲院支持。」
戲中飾演「高橋涼介」的陳冠希亦表示興奮，還扮賽車引擎聲和扭軚盤的手勢，揚言挑戰觀眾入場睇10次；而飾演「拓海」老闆、加油站話事人「立花佑一」的鍾鎮濤（阿B），戲中有不少金句出自他的角色，他說：「記唔記得其中一場，我話『買架Benz俾你，再加隻撈呀！』哈哈，大家快啲入戲院，再次感受賽車場面嘅震撼！」飾演「中里毅」的余文樂亦表示，期待入場欣賞《頭文字D》復修版。
（點新聞特約記者陳惠芳報道）
相關閱讀：
收藏
取消收藏
分享
稿件由上傳 · 文責自負 · 不代表本網立場
