【點新聞報道】超強颱風「樺加沙」帶來今年第二個10號風球，不少公司都提前部署，有打工仔在網上大呻，公司突改風球落波返工安排，要求若下午2時半落波，就要2小時內返回公司工作，「4:30返去，6點收工真係玩嘢」。
該名打工仔在社交平台threads以「香港公司有幾癲？」為題發文圍爐，指自己的公司周二突然改風球落波返工安排，「原本1點落唔洗返，今日即時改2：30！wtf... 4:30返去，6點收工真係玩嘢，X呀」。樓主狠批「玩嘢，X呀，樺加沙媲美山竹，一落波要人返工」，形容是「一盤冷水倒落嚟 」。
樓主又質疑改政策的時機，「香港公司真係好冇人性，就算你想改policy都唔係簡個最勁嘅風時候，下次先改，返少一次唔會死啩」、「呢d HR policy其實好日都唔會點大改...但佢今次刻意颶風級先嚟，山竹天鴿時又唔去改？」、「改policy 員工no say..但你係一個極端嘅風球先嚟改，即係玩員工 」。
帖文引來許民熱議，「癲㗎而家啲公司，我表妹公司今日都即被公司改咗，本身係12點，而家改到14:01」、「你公司算好啦，我公司要3點落波先唔使返」、「呢啲公司臨打風先走去改制就老X土啦，咁急改趕住執笠咩」、「咁大間公司驚死蝕底咁，掛波個時就話除咗長洲同大肚，其他有地鐵到嘅地方都唔叫偏遠地區唔畀人走，落波返工就要4:30都要返去」。
（本文為作者觀點，不代表本媒體立場）
收藏
取消收藏
分享
