【點新聞報道】超強颱風樺加沙吹襲香港，但一些打工仔仍必須返工。有的士司機在網上貼出截圖，指有乘客預約星期三早上8時乘車出門，卻只給10元貼士，不禁譏諷「1蚊1個級風球，多謝你呀」。然而，當網民看到乘客目的地為屯門醫院後，認為應該體諒，其他的士司機亦紛紛留言支持，「我唔收錢都車」。
該名的士司機於周二（23日）晚上在fb群組「的士司機資訊網Taxi」上載電召的士手機應用程式截圖，指有乘客預約星期三早上8時乘車出門，卻只給予10元「貼士」，司機不滿出手低，譏諷「1蚊1個級風球，多謝你呀」。從截圖看見，該乘客預約星期三（24日）早上8時出門，由屯門龍門路龍門居，前往屯門青山醫院，會支付「千足金（按錶收費）」，以及貼士10元。乘客又在備註要求司機給予收據。
帖文起初引來網民批評，「唔係咁黐線啊」、「慢慢等啦X頭」、「明知早上會10號，建議佢早啲返工啦！」。然而，當網民看到乘客目的地為屯門醫院後，便認為應該體諒，「去醫院就幫下人啦」、「其實仲有長期病患者，九號風球 十號風球都要返醫院洗血架，唔只醫護」、「真係醫護返工幫到咪幫囉！」、「人哋唔係醫護可能係醫院嘅保安，一定要返去接更，牌照有規定當值時間。」、「打風去醫院一定唔會係覆診取藥、只會係返工當值！順路啱就做！老傷病弱殘、 都會接受醫護人員服務、 幫返醫護又有何不可」。
其他的士司機亦紛紛留言支持，「醫護我唔收錢都車，因為自己接受過太多醫護幫助」、「打風米唔好做囉，有需要嘅人我免費都車」、「正價有埋貼士！唔係你諗住收幾多呀？」、「你估個個好似你咁睇十蚊咁重要？」、「醫護工作⋯⋯大家認為可做就接」。
收藏
取消收藏
分享
