【點新聞報道】公共場所大聲播片是擾人行為，近日有港女搭乘港鐵時遇一大媽於公共場合用手機大聲播片，其勸阻無果，幸得一名大叔出奇招和平解決問題，帖文掀起網上熱議。
港女於threads上發文及相片抱怨，「隔離個嬸嬸睇片勁嘈 仲要開到最大聲 我叫極佢細聲小小都聽唔到 坐佢隔離嘅阿叔終於忍唔住」。從事主上傳相片中可見，阿叔在他的手機螢幕上打了幾個字並遞給正在看片的大媽，只見阿叔的手機螢幕上寫着「美女！音量小一點就好了！」。事主表示大媽隨後便將音量關小聲了，「但可能發現聽得唔爽 又睇唔到啲字 ，直接熄埋機」。
阿叔此舉獲得許多網民大讚，網民直言「叔叔好識做人」、「我覺得佢個精華係兩個感嘆號！有聲嘅」、「Uncle好嘢」、「高招」、「好好嘅方法，唔使勞嘈，對方又好下台，唔驚鬧交俾人錄低放上網，阿叔eq iq都好高」、「好禮貌 仲靚女」「好文明 笑死」、「叔叔EQ好高，學到嘢」、「呢招好嘢，低調又不失禮數」。亦有網民調侃，「可能係美女兩隻字喚醒咗佢（嬸嬸）」、「唔接受就會好似否認自己係美女」。
（本文為作者觀點，不代表本媒體立場）
收藏
取消收藏
分享
