【點新聞報道】想移民、又想輕輕鬆鬆鄧梓峰！一名有意移民的港爸在網上發文問，「喺外國搵五萬蚊做唔做到中產？」、「通常要做啲咩工？」表明移民外國只想輕輕鬆鬆、唔想太辛苦生活喎。結果被網民勸退「呢個世界無免費午餐」、「世上無不勞而獲」、「點解會覺得係人生路不熟、人地地頭會覺得自己可以搵到？」。
有港爸稱為子女將來着想有意移民，「因為想畀仔女第時有多條路揀吓」。他在社交平台threads發文問外國的就業環境，「究竟邊個地方搵錢最容易，競爭最少」。他提到香港中產一般約月入五萬元，「喺香港一個月搵五萬蚊左右就做到中產，而喺香港好多人都話好容易就可以搵到五萬蚊」。
港爸表示移民外國只想輕輕鬆鬆、唔想太辛苦生活，「想問吓喺英國、澳洲、加拿大、容唔容易搵到五萬蚊HKD？喺外國搵五萬蚊做唔做到中產？」、「如果唔係有好專業嘅資格，例如醫生律師呢啲，喺英國、澳洲、加拿大，通常要做啲咩工？先至可以搵到五萬蚊一個月左右。」
有網民留言勸退樓主，「呢個世界無話容唔容易搵到錢，係睇你個人嘅能力、際遇、待人接物等等，睇你留言話你喺香港未搵過月入5萬，既然係自己地頭都未到呢個數，點解會覺得係人生路不熟、人哋地頭會覺得自己可以搵到？」網民認為樓主應提升競爭力，呢一刻你又做咗咩去提升自己、又或者為你仔女提升佢哋嘅競爭力？咩都唔識唔熟就打算去移民，兩頭唔到岸就好尷尬，分分鐘累到個小朋友」。
不過，樓主就一副吊兒郎當的態度，「裝備自己？有時就冇乜做囉，有間唔中睇吓其他行業嘅嘢，但係冇咁多時間心機金錢去真係去學一樣嘢， 由細到大都比較懶懶行上輕輕鬆鬆唔係太付出咁樣去生活，所以而家生活到但係普普通通但係又冇乜壓力又唔係好辛苦咁，因為移民外國都係想咁樣輕輕鬆鬆唔想太辛苦咁樣生活，但係亦都唔需要太過好好嘅生活普普通通就夠」。
收藏
取消收藏
分享
