【點新聞報道】移民英國的殘酷現實！一名已回流的港女分享當時在英國的絕望感，力數當地住屋、工作、治安、交友、生活等問題，而最慘是永遠無陽光，形容是「陰到絕望」。她直言不怕惹來負評，「總之係某啲人眼中返屋企係叛徒，講英國好嘅一面或壞嘅一面都係錯，但我只係分享下個人經歷」。
該名回流港女在社交平台threads以「喺英國一直以來的絕望感」為題發文，抒發當時在英國的感受，首先是租屋難，指「要同人搶又要作文去申請，租完又會被陰招逼走，sharehouse唔係室友衰就屋主或經紀衰，無得明顯歧視唯有暗暗地搞事」。工作方面，「返最低工資藍領又得個吉，佢唔炒你但cut你鐘，自己偷懶就指你做下欄嘢，例如:搬嘢倒垃圾，明知你女仔成日叫你凌晨收工」。
英國治安差眾所周知，樓主指「永遠要頹着扮低調希望唔好被人偷搶，亞洲臉孔係target，本地盜賊唔敢搞黑人便搞黃種人」。樓主又提到在當地嘗盡人情冷暖，「融入唔到本地暫時係零個本地朋友，識港人都無乜真心當你係朋友，人情冷暖感受深刻」、「本地人其實對外國人無乜耐性，電話聽你講英文講得慢即收線，因唔似香港嘅投訴文化所以工作態度好有性格又求其」。
樓主有感英國政府行政混亂，「睇個醫生要預約無得walk-in，但普通感冒或總之佢覺你不嚴重，便叫你自己買藥，但又一定經佢處方，藥物管制嚴但醫生又有性格話唔醫就唔醫」、「稅制成日出錯扣咗先，但你要claim又難過登天，稅係益老年人但前提係你有命到老年」。另外，天氣也是一個重要因素，樓主直指當地「永遠無陽光陰到絕望，一年四季橫風橫雨」。
樓主直言不怕惹來負評，「回流得講出嚟就預咗畀人鬧」，認為移民要面對新的環境，「當然係曲折離奇高低起跌，點會只會得一面？」。不過，總會有人對號入座，「總之係某d人眼中返屋企係叛徒，講英國好嘅一面或壞嘅一面都係錯，但我只係分享下個人經歷」。
收藏
取消收藏
分享
