【點新聞報道】利用電子轉賬交易時，要小心確認資料！有港男於網上發文大呻，日前使用PayMe轉帳720元給一名女友人，已核對兩次電話號碼，點知轉錢出去後畫面出現一個男人頭像，他立即詢問女友人，並聯絡PayMe客服。結果是入啱電話號碼，但卻變成錯誤轉賬，而重點是要問收錯錢個人會唔會退款，港男無奈道：「我電話真係入啱㗎嘛？我究竟可以幾黑仔」。
港男在社交平台threads發文奉勸「大家用PayMe要小心！原來入啱電話號碼都會比錯錢比人，黑仔嘅事比我遇上」。他憶述事件經過，指日前使用PayMe轉帳720元給一名女友人，「我真係對咗兩次電話號先send 錢出去，點知send出去出現1個男人頭像！個名完全唔關事」，他立即詢問女友人，並聯絡PayMe客服。
港男原以為自己輸入錯誤電話號碼，但事實是正確無誤，「最開始我真係都以為自己打錯number，點知客服話係打啱number」。港男不解地表示：「其實我都唔明點解會send錯錢... ...重點payme話要問收錯錢個人會唔會退番d錢。我真係黑人問號」。
港男擔心不能追回款項，「咁人哋唔肯，咁我可以點呢？？？重要其實係payme系統出錯。我電話真係入啱㗎嘛」，無奈地大嘆道「我究竟可以幾黑仔」，並問網民「其實有無人試過類似情況」。
有網民留言分享類似經驗，「我上次比code人哋scan，企身邊遮，佢按send之前比望一望，居然個頭像唔係我! 嚇S!好在stop得切咋，好危」、「我試過！又係對啱人，點知過咗俾第二個！試過2次都係咁」。另有網民建議掃描二維碼，「掃有fd頭像的code保險d」、「安全起見，叫對方畀PayMe code才畀錢」。
收藏
取消收藏
分享
稿件由上傳 · 文責自負 · 不代表本網立場
