【點新聞報道】佘詩曼（阿佘）今日（17日）出席關注乳癌活動，阿佘言語間疑默認佘媽患癌，又大讚媽咪好勇敢。
阿佘早年透露佘媽患病，問佘媽是否患上癌症，阿佘默認表示是有朋友及親人患癌。阿佘說，不應忽視身體小毛病，有不舒服便要看醫生。她表示：「媽媽之前唔舒服，但心態好樂觀正面，依家有適當治療，家人陪伴好重要，媽媽現在身體OK。（已經康復？）努力中，（媽媽經常出席聚會？）佢係好活躍和樂觀，出街多過我，做女梗係想佢多休息，不過佢每次出街都好開心，所以都支持。」
佘媽之前剃光頭，阿佘大讚媽媽好正，不理其他人目光，為自己而活，重視自己身體及接受治療，「最舒服嘅狀態生活，媽媽係好榜樣、好勇敢。」阿佘表示近日留港並無接工作，希望多陪伴家人，之前便帶媽媽去馬來西亞旅行。
阿佘有自己的一套抗壓方法，遇到不快事會找身邊4位朋友傾訴，笑言：「因為講一次條氣唔順，講4次就順曬！」有時會在7魔女群組講，想起誰就打給誰，大部分是自細識到大的朋友，她笑說朋友的意見其實也幫不上忙，純粹發洩一下，不用谷氣。她又言「有時喊吓、叫吓，發洩吓是好途徑，唔好畀自己悶悶不樂，對身體唔好。」阿佘更言作為女士，在沖涼時可以作自我檢查，及早跟進。她又覺得癌症跟情緒和遺傳有關。
對家有指阿佘今年接了15個廣告，收入大豐收，她笑言感恩廣告商支持，沒有統計過，認為搵錢重要，但身體更加重要，希望能做到生活工作平衡。對於她失落「第二屆金熊貓獎」頒獎典禮視后，由內地女星唐嫣憑《繁花》摘得視后寶座，她表示難於每次都攞獎，需有體育精神，冇獎都會出席。另外，施政報告提到將表演場地劃分類別，阿佘覺得是好事，可以吸引世界各地的藝人和團隊來香港開騷，有助促進香港經濟。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
