【點新聞報道】江欣燕（欣欣）在《俠醫》中飾演「毒舌貴婦阿鳳」，豁出去的演出獲監製大讚。
欣欣這次演繹阿鳳，難度確實很高，這是因為除了要迎合監製要求「盡啲、盡啲、再盡啲」，每次開工的對白還是「水蛇春咁長」，加上時間關係「飛紙仔」情況又不時發生。欣欣笑言，試過在片場要一次過背熟所有即日及隔日的對白，笑稱連鄭子誠都覺得她太癲。欣欣又說，即使有些場口自己因應當時氣氛及情緒心血來潮爆肚，但仍須將劇本背到滾瓜爛熟，「唔可以做㗎嘛，唔係嚇嚇做得切咁快，我做到一個shot、做唔到十個擺位。不過有時都會有神來之筆，好似睇樓嗰場，因為子誠遲遲都未接對白，咁我唯有一輪嘴係咁鬧落去，但我平時真人絕對唔係咁，我係好入戲嘅人。」
欣欣續指，為了記熟自己及對手的所有對白，以方便拍攝時作出反應，現年86歲的江媽媽還不時抽空與欣欣排練對白，相當有愛。欣欣亦笑言，排戲是她和媽媽的親子活動，「我媽咪雖然86歲，但好精靈嘅，佢戴住老花眼鏡同我對劇本。我份劇本好七彩㗎，因為畫曬紅橙黃綠青藍紫畀我媽咪睇，每場戲有啲色係陳豪嘅，有啲色係丁子朗嘅。」她笑言，作為無綫忠實fans的江太，對她演繹阿鳳的評語是「好乞人憎！似你平時衰樣。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
