【點新聞報道】香港向來是一個多元包容的社會，一名從內地嫁來港的人妻發文分享，眼中的香港人真實樣子，表示來港三年來，從未遇過不禮貌對待，反之每次去街市、搭車、問路，都遇到好客氣、好願意幫人的香港人。她希望大家「不要再標籤人」了，帖文獲得大批網民點讚。
該名人妻在社交平台threads發文分享內地人香港生活，指「有人話香港人對我哋新移民好唔禮貌⋯講真，三年前我從內地嫁嚟香港，到而家，我一個都未遇過。反而每次去街市、搭車、問路，都係遇到好客氣、好願意幫人嘅香港人」。
人妻又分享對社會的觀察，希望大家不要再標籤、區分他人，「啲人成日話『香港排斥新移民』，但其實有時要問返自己一句：你對人禮貌嗎？你係咪帶住偏見望人？你自己都未放低『我哋vs佢哋』，又點會望到善意？」。
人妻認為，做人點都係先禮後理，唔需要被定義，「有啲標籤，唔係人哋畀你㗎，係你自己掛上身」，並反問「你又係咪用緊你嘅標籤，隔住世界嚟睇人？」她直言不會為自己身分設限，「我唔會用『大陸人』呢個身分為自己預設矛盾，我只係一個想生活得好，想建立家庭、努力生活嘅人。」人妻更努力融入香港生活，「我仲努力緊講好啲廣東話，如果用詞不當請大家隨時指正我。」
帖文獲得大批網民點讚，「歡迎你成為香港人」、「寫得一手地道嘅廣東話口語」、「睇哂篇嘢，我剩係想衷心祝福你生活幸福美滿快樂」、「最欣賞你講嗰句：你對人禮貌嗎？你係咪帶偏見望人？」、「思維正確，我最欣賞你那句『先禮後理』」、「你講廣東話，肯寫繁體字，願意融入我哋嘅文化，你愛香港，你已經係一個不折不扣嘅香港人，嚟咗三年啦已經唔係新移民」。
另有網民分享自身經歷，「我來港16年工作16年，東莞的，從小睇TVB大，會講廣東話，開始時有口音，工作同事都知道，但都沒有遇到歧視我的香港人」。
收藏
取消收藏
分享
