【點新聞報道】陳山聰、梁競徽（唯唯）與林盛斌（Bob）首次投資及製作的馬來西亞賀歲電影《媽媽又要嫁》，拍攝18日後終於殺青，日前舉行煞科宴時大家都感到十分不捨。
一向貪靚的山聰在戲中一副不修邊幅的造型，一頭金髮、有鬚根又污糟邋遢，原來是山聰本人的主意。原來，山聰認為過去演太多靚仔且有型的角色，希望能帶給觀眾新鮮感。拍戲期間山聰還被偷拍放飯時的照片，在網上一度被誤以為他在兼職做地盤工人，山聰稱對此一點也不介意，反而覺得好開心，證明他的造型相當成功。
戲中經常身穿背心與工人褲的山聰明顯增磅不少，他解釋大馬的朋友好熱情，每日收工後電話都會響個不停，不停約他食飯，帶他食盡吉隆坡美食。正因如此，他在大馬都努力跑步，但在此期間卻一度中暑，感覺頭暈眼花，好彩休息過後未有影響拍攝一場重頭感情戲，甚至因為身體不適，拍感情戲時發揮得更好，可謂意想不到。
首次擔任編劇的唯唯今次完全豁出去，賣樓投資拍片。電影煞科之時，他更百感交集：「雖然我哋唔係大製作，但我哋有用真心認真製作，呢套戲絕不胡鬧，無論劇情、感情都係絕對認真，希望觀眾可以感受到我哋嘅誠意，亦希望大家可以再有機會合作。」
戲中飾演媽媽角色的伍詠薇笑言，今次最大挑戰不是演媽媽，而是飾演陳山聰、Bob兩人的媽媽：「我唔係未演過媽媽的角色，但今次兩個仔的年紀居然跟我差不多大，真係好搞笑，拍攝時畀佢哋嘅造型搞到我爆笑不停，背好劇本都無用，去到現場一見到佢哋，就一定忍唔住笑。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
