【點新聞報道】由林盛斌（Bob）主持《女神配對計劃 最後告白》圓滿結束。五位女神及求愛勇者們，昨晚與幕後工作人員齊齊食飯睇大結局，期間五位女神輪流爆喊，不但為自己的配對感動落淚，其中大家齊齊見證葉蒨文（Sophie）與曾展望GM的「甜蜜世紀配對」時，全場更陷入「狂喜之巔」，氣氛既感人又熱鬧。
GM向着Sophie連講三次「我愛你」，以及最後來個抱頭式的霸道總裁式「世紀之吻」，再加Sophie興奮到忘形的「開心揼地尖叫」。「霸氣世紀之吻」精華節錄，亦於短短一晚已吸獲過萬Likes及衝破200萬views。
原來Sophie與GM配對成功後，主動提議GM玩「同心鎖」，為浪漫配對旅程留下美好回憶。她在第一天海選時說過的霸氣Bite：「我唔需要嗰5秒」，至於GM寫下的則是一生不變愛的承諾：「你係第一個，（亦係）最後一個我會想用盡全力保護嘅人。」
網民除了瘋狂派likes，亦紛紛留言表示感動及祝福：「見到這一pair，突然間諗起張家輝和關詠荷，GM係張家輝2.0」。更令人驚艷的是，來自18個城市的GS粉絲，為GM及Sophie準備了一個「官宣應援」，由今日開始於旺角投放，直至9月21日。應援官宣內容：「愛不僅是剎那間的心動，更是長久凝視彼此靈魂後的選擇，恭喜GM和Sophie，選擇在對方眼中安放自己的世界。」
在慶功宴現場，3對成功配對的CP，以不同形式進行「愛的官宣」。之後他們再前往After Party慶功，席間Sophie和GM再度大曬花槍。事緣眾人直播期間，又再起哄大叫GM Sophie錫錫，被起哄之聲吸引入鏡的Sophie，隨即搞笑地大叫：「GM，過嚟！」之後再搞笑地「霸氣捧」GM面，並「強行」吻向GM面珠，結果成功引發全場起哄，相當好笑。
Sophie被問到為何在「最後告白」中「一秒轉身」鎖定GM，她笑言：「我個人就係：『係就係，唔係就唔係！』決定咗就做囉！而且我一開始知道要做真人騷呢，我就已經想送呢份禮物畀你哋啦。就係『真』，我希望你哋（觀眾）會鍾意我送畀你哋嘅呢份禮物，多謝你哋一路支持！」
（點新聞特約記者陳惠芳報道）
收藏
取消收藏
分享
