【點新聞報道】不少移英港人銀根短缺，要租住Share House，同三唔識七住埋一齊。近日有人在網上求救，話屋企出現老鼠，更直闖入睡房，幾經博鬥，才將老鼠趕出房門口，直喊「勁驚」、「好恐怖」！不過，其他室友卻一副「睬你都傻」的態度，令他十分無奈。
該名移英港人在fb群組「香港人移民英國資訊分享」發文，指與室友生活習慣不同，「我一個月前開始住shared house，住了一個月之後有三個室友住入嚟，廚房物品成日亂擺，我自己好少用，因為我房有簡單嘅煮食用品」。
就在室友入住不足一個星期，屋企就出現老鼠，更直闖其睡房，「我今日發現有老鼠，我當時係閂實房間，然後我見到隻老鼠從房門口的門縫入咗嚟，條門縫好細都入到嚟，搞咗一陣老鼠先出咗房門口」。樓主強調，「我自己用嘅地方，洗手間都非常保持清潔，一個月都冇老鼠，但係我roommate搬咗嚟一個星期都冇,就已經有老鼠」。
惟室友卻懶懶閒，「我同住樓下嘅室友講有老鼠，佢哋好似唔係好驚咁，不過都話會去買防老鼠用品」、「淨係叫我搵啲洗潔精和米撈埋一齊，食完會自己死，但係死咗我都唔敢掂佢」。
樓主形容「佢哋好似睬你都傻，覺得我大驚小怪，但係我勁驚」，淨係可以用毛巾攝住房門口條門縫。遂問網民除了去買防老鼠用品同埋門縫條，仲有啲咩可以做？
不少網民都為樓主獻計，「養貓老鼠即走」、「放老鼠藥，同理上網搵吓有冇老鼠慘叫求救聲，連續播幾日」、「用雙面膠紙貼房門，封實門縫」。有網民認為樓主應向屋住投訴:「同屋主講啦」、「同室友溝通要求乾淨，再唔得就同業主講」」「如果諗點樣滅鼠嘅話，不如諗下點樣可以搬走」。
收藏
取消收藏
分享
稿件由上傳 · 文責自負 · 不代表本網立場
