【點新聞報道】HOY TV全新飲食競技節目《領廚爭霸戰》，由美女廚神蔣怡任主持，每集都會邀來不同的嘉賓擔任星級評審，最近忙於舞台劇演出的關寶慧亦抽空支持。
關寶慧首次擔任評判，心情非常緊張：「我都唔知點解咁緊張，又唔係我參賽！其實我本身乜嘢都鍾意食嘅！喺我人生中，擺唔到落我個口嘅嘢係少過十樣！所以我好慘，因為要keep fit，成日都唔可以食嘢，而我對食物嘅要求就係要原汁原味，外表靚唔靚我都冇所謂！」
除了繼續要keep fit之外，關寶慧笑言要保重身體：「因為我近排仲係忙緊做舞台劇，點知之前好核突咁，喺個舞台上面撲低，成個人飛咗出去！勁醜樣呀！而家仲腫腫地，應該係骨裂，好彩冇移位！而早幾日拍戲又搞到成隻手傷曬！我的手手腳腳經常處於受傷嘅狀態，好奇怪！」
久未露面的陸詩韻（Sharon）品嘗美食好在行，原來私底下是不懂下廚的：「我對煮嘢係零經驗嘅！所以個廚房好乾淨㗎！永遠保持住全新嘅感覺，我覺得我有啲變態，我完全唔享受煮嘢嘅過程，但係好享受洗碗。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
