【點新聞報道】近日網上流傳一張照片，一名長者坐在港鐵關愛座上，將一張樂悠咭向上揚起，發帖者無奈感嘆「依家連長者坐優先座都要show張樂悠咭出嚟！香港人搭程車都好大壓力。」
樓主9日在社交平台發帖，附上一張港鐵的照片，從照片看，一名女士坐在優先座，她將手袋放在身前，雙手則拿着一張樂悠咭，該張咭向上揚起，似乎在「證明」她是長者，因此有權坐關愛座。樓主感慨：「依家連長者坐優先座都要show張樂悠咭出嚟！香港人搭程車都好大壓力。」
帖文同樣引起網民熱議，有人表示：「呢位女士真係怕咗啲鍾意公審嘅人，OK啊，攞白卡嘅都要show埋出嚟俾人知係殘疾人士，特別係後生嗰啲，一陣又俾人話後生仔、有手有腳喺度坐關愛座。」、「學到嘢，無聲勝有聲。」、「我明呀，真係好大壓力......試過有幾次，被人叫起身。」
惟有網民認為不必做到如此程度，「使唔使show醫生紙，我今日都坐咗（優先座）！」、「病緊唔舒服，要貼醫生紙係額頭/頭頂俾人睇清楚」。
收藏
取消收藏
分享
稿件由上傳 · 文責自負 · 不代表本網立場
