【點新聞報道】英國移民圈外遇出軌可謂家常便飯，有移英港女表示在公司經常聽到好多八卦故事，指內容勁爆「男人就溝返香港人，女人就溝鬼佬」，直言聽到「眼都凸埋」。
該名移英港女在社交平台threads發文，好奇問網民「想問吓各位移英嘅情侶/夫婦，嚟到英國出軌/離婚係咪真係好普遍？」。她提到自己公司有10個以上的香港人同事，不時會講一些移英圈內的八卦，「返咗工半個月已經聽到好多八卦故事，眼都凸埋」。
她指當中不少都涉及婚外情，「男人就溝返香港人，女人就溝鬼佬」，而且八卦消息傳得好快，「可能係uk香港人圈子好細，消息傳播得快啲 」。
帖文引起移英港人熱議，紛紛留言分享自己的聽聞，「真係勁多」、「好似聽過Warrington有人玩夫婦交換」、「我間倉有個已婚中佬係公司個倉office同後生鬼妹一齊比人發現炒咗添」、「聽好多，人夫搞人妻，我覺得真係好變態，係咪悶得滯搞埋一齊」、「識得有對，女嘅一直喺香港玩開，有個奸夫，唔肯跟老公移民去英國，從此奸夫順利成章登堂入室埋」。
不過，亦有網民認為同地理位置無關，「我諗幾時都有，而嚟英國環境大轉變，有衝突就更易有」、「同地理位置無關係，係人嘅問題」、「唔一定係移英港人嘅，現今社會其實乜人都有，無分地點 只係人嘅問題」。
收藏
取消收藏
分享
稿件由上傳 · 文責自負 · 不代表本網立場
