【點新聞報道】羅啟豪全新單曲《小鬼主意》剛在全球音樂串流平台上架，MV亦已於昨晚（9日）首播。他在MV中跳出平日斯文形象，飾演一名「黑仔」，由朝到晚頭頭碰着黑，畀老細逼迫、女友放飛機，還畀人淋水，情節搞鬼。
啟豪說：「小時候覺得好多限制，經常被催吃飯、做功課，以為長大就會好自由，誰知原來成人更多束縛，現在又想做回小朋友！」雖然啟豪小時候不算叛逆難教，但也曾令家人相當頭痛，他搞笑自爆：「我專注力不足，默書記極都記唔到，激到屋企人幾乎嘔血，好想『鍊』死我！我又成日同二家姐打交同鬧交，為咗分開我哋，屋企人本來想先送二家姐去英國讀書，點知我哋鬧還鬧，其實感情好好，結果我哋兩姊弟都係一齊去英國讀書！」
為了配合新歌主題，啟豪今次重啟Busking Tour，特別邀請被全香港人見證成長的莫凱謙擔任嘉賓，兩隻「小鬼」擦出熾烈音樂火花。啟豪解釋：「他6歲時參加《殘酷一丁》，轉眼間20年過去，由『小鬼』變了成年人，我在網上看過他的片段，好叻仔，曲詞編監一手包辦，又識彈好多樂器，所以邀請他來。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
