【點新聞報道】「蹲地文化」經常惹起關注。近日有港男指港鐵月台有一名女子蹲地看手機，他不滿對方擋路，竟於對方頭頂跳過，揶揄似是玩「subway surfers（地鐵跑酷）」真人版遊戲。帖子引起網民熱議，有人批評樓主行為幼稚危險，有人則認為女子行為自私。
該港男在社交平台threads上載影片，可見他當時在銅鑼灣站月台，看見有2人前後蹲在地上等待列車，其中穿着黃色上衣的女子蹲在導盲磚看手機，樓主不滿對方擋路，於是三步併作兩步走向對方，並一躍而過，再快速走向出口。樓主留言揶揄「大家有無玩過subway surfers（地鐵跑酷）？原來而家香港終於有得玩真人版啦」，又話「不過個障礙有啲乞人憎」。
樓主事後補充，他並無歧視任何人，「我淨係歧視唔尊重香港文化嘅人，而你嗰個人嚟自印度法國定係俄羅斯都好做緊同樣嘅嘢，我都會做返同樣嘅事」。他又指事件的後續就係「我好開心」。
帖文引起網民熱議，有人批評樓主行為幼稚危險，「好幼稚其實」、「又有onＸ仔以為自己好好笑了，呢啲Ｘ街影衰晒香港人」、「雖然佢哋唔應該踎喺度，但係真係唔驚整到人哋個頭咩？」、「換個高大啲既男人 我睇死你唔敢」、「對着一個女生做這样的行為，我都不知道你是不是從小沒爸沒媽教啊」、「假設佢咁啱起身，你就一腳踢落佢個頭度，佢無文化唔代表你可以咁玩」、「人流密集，你跳來跳去，你都有機會整到人㗎喎」。
不過，另有網民覺得該女子行為自私，「好危險！個女仔咁踎低差啲kick跌人！好彩你避到！」、「踎唔係唔畀，但喺正路中心想人點行呀大佬」、「踎喺盲人徑唔踢佢兩腳都算好人」、「做得好好，佢阻住啲盲人行」、「其實正常人就一定唔會踎喺路中心阻住人」。
收藏
取消收藏
分享
稿件由上傳 · 文責自負 · 不代表本網立場
