【點新聞報道】一名女乘客日前搭港鐵屯馬綫時，感覺手腕有嘢叮咬，皮膚瞬間腫脹，擔心會係木蝨，遂向網民求助。她大呻「佢依家搞到我勁驚唔知係咪心理作用，我成身都覺得好痕」，直言十分擔心會將木蝨帶返屋企。
該名港女日前在fb群組「香港滅蟲關注組」發文指，乘搭港鐵屯馬綫列車時，感受到有嘢叮咬，「啱啱坐車俾呢隻嘢咬，佢唔會係木蝨阿可？佢冇成排線咁咬」。從相片見到，樓主的右手手腕皮膚被咬到腫了一大塊，紙巾上有被拍死旳蟲屍，並有血漬。
樓主每朝都會乘搭屯馬線，指「自己喺個袋度發現咗，佢爬喺個袋出面，最衰個袋仲要係黑色，其實好難發現」、「佢依家搞到我勁驚唔知係咪心理作用，我成身都覺得好痕」。她直言十分擔心會將木蝨帶返屋企，「依家好驚係咁搵都只係見到一隻，一帶返屋就真係死硬」。
大部份網民看過相片都認定是木蝨，樓主回覆網民時「我諗都應該係，諗住俾你哋大家Double confirm下，話我知其實只係普通嘅蟲仔，點知真係惡夢」。
樓主回想起之前屋企出現木蝨的慘痛經歷，「呢隻已經算細隻，我之前屋企已經爆發過一輪，但係已經係好幾年前嘅事嗰啲真係大隻到手指尾指甲咁，係成晚唔使瞓，佢真係狂咬仲要痕到趴街。搵完佢個竇出嚟之後可能仲有一兩隻走得甩又生多一炸出嚟，係個年年冬天勁凍，跟住佢哋先死晒，冇諗過甩難完之後依家惡夢又返嚟」。
不少網民紛紛向樓主提出建議，「我建議你出街買嗰套新衫着」、「回家用滾水浸下衣服和沖涼先好上床」、「小心你啲衫有…..返到去 要用熱水洗衫」、「燒晒啲衫和手袋！」、「快啲去睇醫生」、「好大隻喎，快啲消毒搽藥膏，好毒下」。有網民促樓主向港鐵通報，「要報俾站長」、「快啲報畀MTR，佢哋會去車廂滅蝨！」
收藏
取消收藏
分享
稿件由上傳 · 文責自負 · 不代表本網立場
