【點新聞報道】鍾嘉欣日前到新城廣播接受Christine（汀汀）主持的《可「連」天下父母心》訪問，被汀汀形容是「鐵人媽媽」的嘉欣，在節目中分享了作為三孩媽媽的日常。
嘉欣自曝每天會步行送孩子上學，放學後則安排玩樂時間，並負責接送孩子參加舞蹈和冰球等課外活動，「返到屋企就立即煮飯，食完嘢又要做一啲功課，然後沖涼同佢哋玩一陣，睇少少中文電視，8點半就上床瞓覺。」嘉欣又大讚丈夫是「神隊友」，作為一名醫生，雖然工作繁忙，但回家後會積極分擔煮飯、洗衣和清潔等家務，她稱：「我做到嘅嘢佢都做到，我哋兩個都好全面。」
兩夫妻堅持培養子女的獨立性，要求孩子們自己完成穿鞋、收拾書包、清潔午餐盒和洗澡等。嘉欣又笑言：「我本身係個好溫柔嘅人，但做咗阿媽之後，把聲好大聲，隔三間屋都聽到我講嘢。」有時子女太百厭，嘉欣更會跟他們說：「知唔知道你哋咁樣，媽咪真係會爆血管！」
談及三個孩子的性格，嘉欣形容大女兒很聽話，很有主見及充滿大家姐風範；兒子則是她的「情人」，但又很固執，兩歲的小女兒則最野性，「佢好E人（外向型），每個人都係佢嘅朋友，好有社交能力。」面對孩子們爭吵，嘉欣說：「嗌交、打交成日都有，我都要不斷學習，最初就好溫文同佢講道理，教教吓唔得就發火，我都有哥哥同家姐，所以好明白佢哋點解會打交，總之唔好流血就得。」
將來子女踏入青春期，嘉欣直言感到很傷感，「如果有一日我唔可以再聞佢嗰啲酸臭味嘅臭腳，會冇晒人生樂趣，暫時接受唔到，我個女依家每一日都有變化，表情同回答每日都有啲唔同，愈嚟愈接近冷淡，但以前唔會有，所以有啲傷心，依家鍾意同朋友玩就唔記得爸爸媽媽，9歲又快咗少少。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
