【點新聞報道】移民外國，人地生疏，睇住啲錢好似倒水咁，都咪話唔心慌。近日有移英港媽列出子女大學學費、永居、入籍等種種開支，大呼「見到都暈低」。她大呻英國洗費大又貴，直言「如果『10+1』我就唔入籍啦」。
該名港媽在社交平台threads發文，大呻近排好感受到經濟壓力，指「阿女大學30萬一年，今年仲要交埋呀仔20萬(好在係final year..)，我哋遲咗180來英，出年10月visa到期，計下條數要先extend visa total 10萬，後年永居12萬(但應該會加價)，BC入籍又10萬...淨係入籍加埋都要3x萬」。
再加上又要供樓及日常開支，港媽大嘆「呢道搵£交税都無咗一截」，總知洗錢就快，搵就難啦。雖然移民之前已有預算，但港媽指「其實又無預到阿女學費咁貴，呢道又搵得少，所以突然有壓力呻下啫」、「要一下子比呢筆數，有D肉赤啫」。
港媽亦不禁重新審視當初移民的決定是否正確，「其實我都唔知呢個決定係啱定錯？」。她指，當初是老公想走，唯有配合，其實都係為仔女，陪他們同住屋企慳返宿舍費。而且老公帶份工來所以借到按揭，雖然有預算但幾年後情況唔一定相同，都係見步行步 。不過，她坦言「如果『10+1』我就唔入籍啦」、「慳返一舊錢」。
收藏
取消收藏
分享
稿件由上傳 · 文責自負 · 不代表本網立場
