【點新聞報道】英國針對少數族裔的種族歧視行為一直存在，有移民英國的港媽在網上發文，訴說4歲兒子被人用帶種族歧視的貶義詞嘲笑，令她感到十分難受。
有移英港媽在社交平台threads發文指，4歲兒子在校園被人喚作「Ching Chang Chong！（對亞洲人帶種族歧視的貶義詞）」。她講述事件發生的經過，「今日Nursery放學，我4歲嘅仔去咗公園玩到好high，突然爆咗句：『Ching Chang Chong！』我呆咗，問佢邊度學返嚟。佢話：『X(佢同學）教我㗎，係funny㗎！』」。港媽當下心一沉，立即糾正兒子「我即刻踎低認真同佢講：『呢句說話唔好，會傷害人』」。
港媽不滿兒子在學校聽到這些歧視字眼，「我知4歲小朋友未必明白意思，佢講嘅來源都未必百分百準，但可以肯定係有人教過佢。最大可能，係喺學校日常相處聽到」，因此已去信幼兒園投訴。
港媽相信該同學是從小耳濡目染下學會的，「根據電腦分析，百分之九十係嗰位同學嘅父母係種族歧視嘅根源」。不過，她指目前處於「無仇報嘅狀態」，「因為當事人嘅小朋友已經grad咗準備暑假完入小學」，所以就已採取行動「我宜家就draft咗封措辭嚴謹（未去到嚴厲）嘅信，準備星期一開門就送大禮」。
其實兒子遭受種族歧視已非首次，港媽表示「之前喺公園都試過有啲6，7歲嘅白人（口靚）仔叫佢Banana，佢唔明，但知道人哋係笑緊佢，都有唔開心過。」
有網民支持樓主為兒子出頭，「一定要投訴搞大佢，你試吓喺其他有色人種咁樣講已經投訴到拆天可能差佬都拉埋個小朋友」、「你無反應，佢哋就會更進一步用其他方法傷害你個仔搞大件事，一來可以保護你嘅小朋友，話俾班bully同nursery了解你唔係傻嘅咩都唔知，亦都令班bully自細就知道欺凌唔會無後果」、「投訴Nursery無乜用㗎，去到Ofsted啦！佢哋會派人落嚟查，仲直接影響埋佢Ofsted評級，佢哋先會重視㗎！」。
收藏
取消收藏
分享
