【點新聞報道】日前一名40多歲夜校男學生於社交平台上發文指，在屯門一間麵包舖使用學生優惠購買麵包時遭店員無禮查問、質疑，逐發文公審，事件引發網上熱議。
事主在facebook群組「真.屯門友」發文抱怨在一間麵包舖購買麵包時發生的不愉快經歷，其批評「如果做唔起個9折就唔好做，唔好搞到個1蚊幾毛好似我呃你咁」。原是該間麵包舖收銀處標明持有學生證可享用九折優惠，惟事主3、4次在該店購買麵包出示學生證後仍遭店員無禮查問，「你張咩證，讀咩學校呀？」，他認為學生證上有照片及學校名稱，直言「你唔需要問咁多，你寫得出，人哋又有出示學生證，你就唔好咁多質疑」。後因該帖文遭到網民抨擊，事主已將帖文刪除。
帖文掀起網上熱議，部分網民認為學生優惠針對的是經濟能力較弱的全日制學生，直言「40歲全職master都無優惠啦」、「其實去到40幾歲都仲要搲呢啲優惠，俾啲中學生見到，都好瘀」、「其實做咩要del咗個post喇，想圍爐？但自己都識講咗成4X的夜校學生，即part time喇，日頭有工返，有嘢做，人哋俾優惠係俾啲全職學生㗎喇」、「4張幾嘢一個幾毫都貪......佢真係唔知醜」、「成四十歲人都仲好意思去拎學生優惠......夜校有冇教醜字點寫」、「我係你，俾人串完第一次，第二次已經唔會用，甚至唔會幫襯，大人大姐一個幾毫，又要貪小便宜，又要繼續俾人質疑」。亦有網民揶揄，「40幾歲揸學生證條友可能同我一樣咁窮呢」。
另有網民則支持事主，「夜校唔係學生，定40歲唔讀得書，定係樓主個腦有問題」。還有網民認為店舖的優惠具體適用範圍不夠清晰，「唔想俾夜校學生咪寫明全職學生，一係就收錢時解釋下係俾全日制學生，唔使做到咁樣衰嘅」、「如果寫清楚俾全日制學生，咁就少咗好多麻煩」、「其實呢啲優惠真係要寫明『中學小學』好啲」。
收藏
取消收藏
分享
稿件由上傳 · 文責自負 · 不代表本網立場
