【點新聞報道】同居真是一塊照妖鏡！一名在英國的港女見識過男友衞生習慣後，大喊就快精神崩潰！皆因她的男友居然有個習慣「會喺洗手盆痾尿」，仲話高度啱、慳水，亦有用梘液沖乾淨，激到女友紮紮跳，話已經同佢拗到冇氣。
該名在英港女日前向網台節目《三叔公園》求助，指自己與男朋友存在一個好大的分歧，就是對方有個習慣「會喺洗手盆痾尿」。男友還列出三大好處，「1.洗手盆高度啱啱好，仲唔會好似廁所咁彈到周圍係；2.洗手盆沖水慳水，環保過馬桶沖一次廁所（英國仲係用緊食水沖廁）；3.痾完會用梘液洗乾淨個洗手盆，就同浴缸一樣，沖涼嗰陣會一直有梘液沖乾淨」。
港女費盡唇舌向男友解釋此舉不合衞生，「廁所存在係文明社會嘅用途」，但男友卻沒有理會，還聲稱「男人都會咁樣」，港女當然不會相信。
港女指自己冇潔癖，就接受唔到對方用她平日盥洗的地方痾尿，「我從事醫療行業冇潔癖，對排泄物嘅接受程度都好大，但就係接受唔到佢我平時攞嚟刷牙洗面嘅地方痾尿」，港女話已經拗到冇氣，遂求節目主持人指教。
fb專頁「回流英國後的花生爆谷」就發帖話，「洗手盆通常係U形去水管喎，要沖幾多水先沖得走晒？」、「不如限制一日一篤尿，沖涼嘅時候先可以去」，又笑指「如果沖水水真係咁貴嘅話，呢度啲港人茶餐廳仲借唔借廁所畀食客去好呢？飲完港式奶茶每人屙番督就『回本』了」。
不少網民聽後都勁震驚，「洗手盤痾尿... 好有畫面... 夠竟聽咗D 乜... 呢個世界, 真係乜野人都有...」、「洗手盤屙尿勁唔衞生。另一角度睇，你會唔會對住馬桶刷牙洗面？用水同soap洗返洗手盤又點會慳到水？仲用多咗soap添，理解不能」、「要慳到咁，不如去花園或去路邊痾啦」、「咁嘅生活仲衰過做難民」。
收藏
取消收藏
分享
稿件由上傳 · 文責自負 · 不代表本網立場
