【點新聞報道】譚詠麟（譚校長）及黃日華日前率領香港明星足球隊多位隊員，接受新城知訊台《「鋒」繼續吹》節目主持范振鋒（阿范）錄音訪問，包括：趙浚承、林迪安、李雨陽、葉泓聲與「老六兄弟」其中五位成員衛志豪、張智軒、潘梓鋒、莫家淦、羅鈞滿。一行10人浩浩蕩蕩拉隊宣傳香港明星足球隊第一首會歌《完美拍檔》，宣傳陣容震撼，逼爆錄音室，嘈到拆天，並在節目中首次公開演唱新鮮出爐的會歌，相當熱鬧。
譚校長表示，今年為香港明星足球隊成立40周年，這些年來，到過不少地方為慈善演出，但就發覺：「東南亞朋友以為《朋友》係我哋會歌，而內地就以為係《講不出再見》。40年喇，好需要有會歌。」會歌由譚校長與黃日華共同監製，譚校長說：「暫時只有國語版，希望大家識得聽大家唱乜，哈哈！仲有Rap。由其中一位負責守龍門，本身係製作人的內地隊員的團隊作曲、填詞及編曲，好有現代氣息。」更感激說：「開心大家庭永遠都一條心，冇第二把聲！」
講到此，大家即起鬨笑指譚校長有弦外之音，在一片混亂笑聲之中，有人哈哈大笑問校長：「想講咩呀？一次過講晒喇……」校長即笑騎騎轉移話題。阿范問大家對邊位隊員錄音時唱歌感覺最深刻？大家齊指華哥（黃日華），華哥笑言：「我係主音歌手嘛，我錄時間最短，只係兩剔就搞掂。」譚校長接着笑指：「最快係佢，有四句，有幾十個字(歌詞)！」
阿范問譚校長邊位唱得最好？譚校長讚大家都唱得好好，並指這首歌出世得好突然：「有一晚，大家踢完波，食食吓飯，傾偈話不如作首會歌，就咁成咗事！咁啱作曲的劉佳也在場，漏夜即做，第二朝已收到Demo，下午就即刻在香港的錄音室錄歌。第一次聽Demo已好好聽，旋律輕快，有Rap又有新唱法。」
（點新聞特約記者陳惠芳報道）
收藏
取消收藏
分享
