【點新聞報道】李佳芯演出《麻雀樂園》一直缺席宣傳，譚俊彥親自找她也遭婉拒。她昨（9月1日）晚出席時裝活動，回應因早前在大馬拍攝新劇無法分身回來宣傳，如果該劇舉行慶功宴她一定出席。
對於《麻雀樂團》大獲好評，李佳芯表示很開心。首次在大馬拍劇的她，指當地天氣變幻無常，但慶幸最終順利完成拍攝。至於同香港拍劇有何分別？她說：「分別不大，但因大部分是外景，所以好熱，但香港都熱。只不過係一個全新嘅地方、班底，初初要少少時間適應。」Ali又逗留兩個月，最大消遣就是食，但因為試過飲完肉骨茶即時敏感，所以也不敢放肆大吃。「嗰邊生活節奏同香港有啲似。所以唔難適應，大家都快手腳，同埋有心去做好每一個工作。(未來以海外發展？)又無特別將重心擺喺邊。邊度有機會就會去嘗試。」
Ali又透露今次角色因有江湖背景，需要霸氣一點兼罵人，每次開工都要拿出氣場，她又指平時對手黎諾懿看似傻更更，但今次也做到聲嘶力竭，而相隔7年再合作，Ali大讚各自成熟了不少。提到黎諾懿上載二人舊照，Ali表示：「好在大家都唔係老咗好多，同埋冇整容。」而對於《麻雀樂團》播出後，觀眾大讚她與譚俊彥CP感極強，Ali表示有留意評價。「同埋大家每一次努力辛苦完幾個月出嚟嘅作品，大家鍾意、有感覺，我會覺得係好好。」
Ali過往對唱歌十分抗拒，但如今態度有變，並歡迎大家找她登台。「我有跟老師學唱歌，上次唱歌冇震，係一個好大嘅突破，距離我邁向演唱會又進一大步。」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
