【點新聞報道】本港新學年昨天正式開始，全港莘莘學子均精神飽滿、穿上醒目整齊的校服一起上學。有網民昨日發文分享一則好人好事，指一名小五學生原本應該乘坐B1線巴士，卻不小心誤上268C線巴士，直到車輛駛過大欖轉車站，才發現搭錯車，「即刻嚇到喊咗出聲，成個人慌到冇哂主意。」車長見狀，在抵達畢架山花園巴士站後，「新自帶個細落車，指對面話嗰邊可以搭返啱」，但最終都不放心丟低學生哥一個人等車，索性話「我原車車你返去總站啦！」
該名女網民在社交平台threads發文表示，「一位小五學生原本應該乘坐B1巴士，卻不小心誤上268C，直到車輛駛過大欖轉車站，佢先發珼自己坐錯了車，即刻嚇到喊咗出聲，成個人慌到冇哂主意，乘客們都好熱心紛紛安慰他，並耐心指導佢如何轉乘返回目的地。」
「到咗畢架山花園，司機大哥好好人，親自帶個細落車，指對面話嗰邊可以搭返啱。點知過咗一陣，司機又帶個小朋友上返車。原來司機睇佢咁細個，真係唔放心丟低佢自己一個喺度等車，索性話：『我原車車你返去總站啦！』」。樓主表示，司機這一耐心而體貼的處理方式，個個乘客都讚爆。
帖文引起網民熱議，「個細路應該喺朗庭園上錯咗，得呢個站兩條線都會經過 」、「真係會有唔小心嘅時候，特別係狀態唔好嘅時候，事事小心都唔代表唔會犯錯，最重要係錯入面有學習，以後唔好再犯」、「好彩佢肯出聲，如果唔係戇居居落咗車，又唔知係邊搭車，咁就慘啦。」有網民人大讚車長妥善處理，「車長都得好，要支持下佢，有無當事人寫去嘉許信去佢公司」。
收藏
取消收藏
分享
稿件由上傳 · 文責自負 · 不代表本網立場
