【點新聞報道】不速之客！有港女分享家中出現「自來鴿」，指打開浴室大門，發現有隻白鴿闖入浴室，一時不知所措唔知點算好，笑言「打開門畀佢嚇到X街」。
有港女在社交平台threads發文喊驚，話發現有隻白鴿闖入浴室，「黐線今朝有隻白鴿飛咗入屋…一打開門畀佢嚇到X街 」。從其上載的影片可見，一隻深灰色班鳩在浴室內，與沖涼用品並列一排，正在四處張望。
不少網民好奇野鴿點樣入屋，樓主回應指「佢喺廁所個窗飛入嚟...」。有網民問「最後點處理佢？」，樓主貼出燒乳鴿的相片，笑言「yumyum 」、「吃掉了」、「喺我肚入面了 」，之後再回應「用咗掃把係咁易推下推下推返佢出去…完全冇掂到佢，亦都冇食到」。
原來不少網民都曾遇過有動物闖入屋，「我屋企都試過，突然走廊企咗隻白鴿喺度嚇鬼死 明明啲窗開好細唔知佢點入嚟，仲要送pat屎畀我」、「我仲驚，初時以為雀仔入屋，睇真D原來是蝙蝠」、「好可愛，我試過麻雀！不過佢好似想煲熟自己」。
不少人認為自來動物有玄機，有網民指「玄學角度嚟講係福氣嚟」、「聽講話白鴿飛入屋好事嚟，代表將會有喜，恭喜哂，你好快升級啦！做呀媽！」。不過，有網民則表示，「白鴿是病鴿，別再誤講了，燕子先係有福氣 」。
收藏
取消收藏
分享
稿件由上傳 · 文責自負 · 不代表本網立場
