【點新聞報道】移民開支沉重，如果無錢始終都唔使諗移民喇。話說有網民發文話如果冇計劃返工或者打算靠被動收入生活，落腳倫敦最少要準備£1600k（1,600萬港紙）。帖文惹來不少網民的嘲諷，「如果我有一千萬身家洗鬼嚟垃圾英國」。
有網民在社交平台threads以「移民帶幾多錢先夠？」為題發文，並作出個人分柝指「如果你有能力返工，其實帶十萬八萬港紙過嚟都可以捱住開始，因為搵到工就有穩定收入。但如果你冇計劃返工或者打算靠被動收入生活，就要準備多啲啦！」
樓主舉例指「倫敦最少要準備£1600k（1,600萬港紙）：£600k買樓自住、£600k用嚟投資、£400k留住當老本」；「曼城會平啲，大約£1200-1300k（1,200-1,300萬港紙）：£450k買樓自住、£450k投資、£350k老本」至於其他城市的預算可以以此類推，但基本上大概1/3用嚟買樓，2/3投資再加埋至少£100k儲備。
樓主提到有樓收住都可能只夠掹掹緊生活如，「你有£400k放喺收租或者投資上，每月大約有£1300收入，咁啱啱夠比自住嘅council tax、水電煤、日常開支同間唔中出街食飯。不過呢個數字只夠基本生活，唔會有多餘錢畀你成日去旅行或者豪住！」
最後，樓主提醒移民前理應預早規劃，「總之，計劃移民就要按自己嘅目標同生活方式預早計劃，帶幾多都係睇自己嘅安排啦！」
帖文惹來不少網民的嘲諷，「如果我有一千萬身家洗鬼嚟垃圾英國，可以喺大把東南亞地方做有錢人」、「冇返5-6千萬過嚟都係捱世界，咁不如留返喺香港捱」、「有一千個仲要去英國供養班垃圾阿非拉？啲錢比佢哋喺清真寺？比佢哋住酒店？定係買PS5比佢哋玩？」
有網民就話「響香港攞得出1600萬港幣現金，除非有仔女，想為下一代轉換生活環境同埋方式，如果唔係洗咩去英國？太多選擇了」、「呢啲唔係叫移民英國... 係叫去英國退休呀...」、「有錢都唔係去英國呀，去東南亞地區玩哂」、「退休…其實西班牙、葡萄牙舒服好多、好多、好多…」。
收藏
取消收藏
分享
