【點新聞報道】小心的士司機找錢蠱惑招！有乘客在網上發文分享不快經歷，指的士司機找錢找少咗100蚊，雖然落車不足30秒已發現，但已追不回，「個司機仲惡過我，話佢無可能找錯」，怒斥「連$100都要呃，會有報應㗎」。
事主日前在社交平台threads發文憶述事發經過，指「個司機找錢，找少咗100蚊。個司機係將錢摺埋出，我沒有馬上看，手上好多嘢，接咗錢就落車。我落車唔夠30秒已經聯絡返司機話找少咗，個司機仲惡過我，話佢無可能找錯」。
樓主續指，「我身上一張$100都無，一打開疊錢就見到少咗，已經即刻call返佢。司機摺住出錢，係想乘客手上一堆錢，唔方便打開數又趕落車？連$100都要呃，會有報應㗎。你呃得我$100你就嘔返好多個$100出去」。
樓主自覺「真係蠢咗了」，稱「蠢就蠢在當下（無）即刻數，太相信人，但唔代表你可以呃人錢囉」。
帖文引起網民熱議，「去到邊畀現金或者ATM撳錢都係即場數好哂走唔差個幾秒」、「講真只得大紙真係唔好坐的士，怕佢冇得找」。有網民感慨「呢度呃完，喺第二度報應蝕得仲甘，何苦做啲鼠竊狗偷嘅事，唔Sam Hui（心虛）咩？年紀大唔代表可以做壞事！偷呃拐騙落到地獄有排受！唔值得！」。
有同樣遭遇的網民則留言指，「你見得少，上次係鑽石山禁區位落車，個司機摺埋找少十蚊添，由嗰一刻開始以後用電子支付網約好啲 」。
收藏
取消收藏
分享
稿件由上傳 · 文責自負 · 不代表本網立場
